ប្រវត្តិអ្នកនិពន្ធរឿងអក្សរសិល្ប៍ខ្មែរ

យោងតាមឯកសារមួយចំនួន បានបង្ហាញ និងរៀបរាប់ខ្លះអំពី ជីវប្រវត្តិរបស់កវីនិពន្ធ ហើយមាន​កវីខ្លះ​ពុំ​មាន​ឈ្មោះ ឬព័ត៌មានពិតប្រាកដរហូតដល់សព្វថ្ងៃ ដែលលោកបាននិពន្ធរឿងអប់រំ ជាប្រភេទ​អក្សរសិល្ប៍ជាច្រើន ។

ខាងក្រោមនេះ ជាឈ្មោះ និងស្នាដៃបុគ្គលមួយចំនួន ដែលយើងខ្ញុំបានប្រមូលមកពីសៀវភៅ និងឯកសារនានា ដែលមានដូចជា ៖

១. លោក សួន សុរិន្ទ

• លោកកើតនៅថ្ងៃទី ០៩ កក្កដា ឆ្នាំ១៩៣០ នៅសង្កាត់ជ្រៃ ស្រុកសង្កែ ខេត្តបាត់ដំបង។
• ស្នាដៃរបស់លោកគឺរឿងព្រះអាទិត្យថ្មីរះលើផែនដីចាស់ដែលបានជាប់លេខ១រង្វាន់ឥន្ទ្រទេវីលើកទី១។

២. លោក អ៊ឹម ថុក

• លោកជាអតីតចាងហ្វាងកាសែតវត្តភ្នំ ធ្លាប់ចូលរួមប្រឆាំងនឹងបារាំងក្នុងចលនាខ្មែរឥស្សរៈ។ 
• ស្នាដៃរបស់លោកមានដូចជា៖

1. រឿងស៊ឹមអ្នកបរឡាន (១៩៥៦)
2. រឿងគូលីកំណែន (១៩៥៦)
3. រឿងតារាចន្រ្ទ (១៩៥៦)
4. រឿងគ្រូបង្រៀនស្រុកស្រែ (១៩៥៧)

៣. លោក ឌឿក អំ

• កើតនៅគ.ស ១៩៣៤ នៅស្រុកមោងឫស្សី ខេត្តបាត់ដំបង
• ជាអ្នកជំនួយការសរសេរទស្សនាវដ្តីកងទ័ពឆ្នាំ ១៩៦៤, ១៩៦៥
• ស្នាដៃ៖ រឿង ភូមិតិរច្ឆាន

៤. លោក ឌឹក គាម

• កើតនៅថ្ងៃទី ០៥ មករា ឆ្នាំ១៩៣៦ នៅសង្កាត់ឫស្សីកែវ ស្រុកឆ្លូង ខេត្តក្រចេះ
• ស្នាដៃ៖ វេយ្យាករណ៍ដោយរូបភាព, រឿង ព្រះនាងឥន្ទ្រទេវី, រឿង ចៅពញាហុក, រឿង ភូមិតិរច្ឆាន (១៩៦៤ ១៩៦៥)

៥.​​ លោក យស ងិន

• លោក យស ងិន មានស្រុកកំណើតនៅភូមិកំព្រៅ ស្រុកស៊ីធរកណ្តាល ខេត្តព្រៃវែង
• ឪពុកឈ្មោះ យស ងារជាចៅពញាភក្តីភាសា ជាមន្ត្រីរាជការ ឬជាអាជ្ញាហ្លួងទទួលភារៈខាងការចែកមត៌ក
• ម្តាយឈ្មោះ ម៉ី នៅភូមិកំព្រៅ ស្រុកស៊ីធរកណ្តាល ខេត្តព្រៃវែង
• កាលនៅកុមារបានបួសរៀននៅវត្តកោះឫស្សីស្រុក ឃុំឫស្សីស្រុក ស្រុកស្រីសន្ធរ ខេត្តកំពង់ចាម
• លុះសឹកមកក៏បានមកនៅក្រុងភ្នំពេញ សុំចូលបម្រើគាល់ព្រះករុណាព្រះបាទនរោត្តម។ ដោយព្រះអង្គទ្រង់ថាបុរសនេះជាអ្នកចេះកិច្ចការជំនាងឆ្លាក់ក្បាច់ ព្រះអង្គក៏ត្រាស់ឲ្យចូលធ្វើការក្នុងក្រុមជាងស្ពាន់ក្រាប់។
• ស្នាដៃនិពន្ធរឿង «ចៅស្រទបចេក»

យើងខ្ញុំនឹងខិតខំ​ ស្វែងរកបន្តចំពោះកវីនិពន្ធល្បីមកចែកជូន​ប្រិយមិត្ត​ ក្នុងពេល​ឆាប់ៗនេះ ។

ប្រសិនបើមានចំណុចណា មិនសមរម្យ ឬកំហុសមិនថាអត្ថន័យ ឬអក្ខរាវិរុទ្ធត្រង់ណា យើងខ្ញុំជាអ្នកសរសេរ សូមស្វាគមន៍រាល់មតិរិះគន់កែលម្អ ។